أسواق × أسواق (كوانزو)

المصدر : http://travel.maktoob.com/vb/travel428929-40/

وبتكلم اليوم عن كل الاسواق... الباقيه




بسم الله نبدأ



سوق الهدايا والتحف...



وهاذي صورته...



هذه الصورة تم تصغيرها . إضغط على هذا الشريط لرؤية الصورة بحجمها الطبيعي . أبعاد الصورة الأصلية 800x517 .






السوق عباره عن عمارة من عدة طوابق ... اللي تبين 8-9 طوابق ... فيه سلم متحركه ... وفي لفت ...


السوق يشمل ... العاب ... ادوات مكتبيه ... تحف ... اكسسوارات... هدايا ووو... كل شيئ تقريبا ما عدا الملابس


اول ما تدخل من البوابه الرئيسيه ... على يمينك في لفت ... يوديك للادوار العليا ... وفي سلم متحرك ....


الادوار الاربعه الاولى فيها كل شيء ومستوى البضاعه.... من المتوسط


شوفوا الصور







































وهذا محل يبيع اشياء حلوة هليكوبتر ... باحجام مختلفه

















وفي هذا المحل صارت لي عده مواقف


شافني اصور.. قال :لا 


قتله : بسويلك دعايه فالمنتدى والعربوا كلهم بيون عندك ... انا كيف ييت هني الا عقب ما قريت التقارير


قال: بيشترون بضاعه ...بيعبون كونتينر ... قتله: يمكن


قالي: صوري وهو يبتسم








وهذا كرته










وعيبني عنده طراد طوله متر تقريبا شكله رووعه ... وبعد عنده انسان آلي شكله غريب


وموقف ثاني صار ويا هالريال ... احنا اشترينا من عنده طيارات هليكوبتر .... تمينا نكاسره لين ...


اخر شيء قالي : انتي جود .... يعني تعرفين تكاسرين...وبعدين واحنا واقفين انجرب اللي اشتريناه يت عايله صينيه تبغي تشتري ...


بس الحبيب مب طايع ينزل السعر... فسالتنا البنت بكم اشتريتوهم ... قلنالها السعر ...


قالت هو يقولنا بسعر اعلى مب طايع ينقص السعر ... فخبرت ابوها ... وتم يعصب على الريال .... وعقب ...انا واختي جان نشرد هههه...


قلنا : بيقول كله منكم ...


بس لاتخافون ... عقب راع المحل شافنا في مكان ثاني وتم يتبسم لنا ...


فرحان بنسويله دعايه بلاش


ومن الدور الخامس ... وطالع ... البضاعه بتحسونها تختلف عن الادوار الاربعه الاولى من حيث الجوده ...


وهي ....عباره عن تحف ... اثاث ... ديكورات ... مستلزمات الحديقه ...


بس اشياء راقيه وايد وحلوه.... نفس اغراض لايف ستايل ... ذا ون ...هوم سنتر وووو ...


بس الصراحه اسعارهم وايد غاليه ...






هذا السوق ... وايد من التجار يشترون منه بس اللي لاحظته يشترون من الادوار الاربعه الاولى ....


وفي بعد شيء يديد مب كل حد يعرفه ...في دور تحت الارض 


الدور اللي تحت الارض ...


تقدر تسير له عن طريق اللفت ... او في مدخل جانبي عداله دري ينزل للدور الارضي ...


الدور الارضي فيه قرطاسيه .. العاب ... اكسسوارات ...


وفي فالدور الارضي ...


شيء حلو ...


اذا كنت نازل بالدري بيكون اول ممر على ايدك اليمين .... اما اذا كنت نازل باللفت ... بيكون اخر ممر صغير ....


في هذا الممر ... بياعين وبياعات يبيعون اشياء مختلفه ...


يعني مب محلات ...


لالالالا...


بسطات ... واشياء معلقه على الييدار ( الجدار) ....


بس اللي لفت... نظرنا واشتريناه .... شو ...


منو يقولي يا حلوين ....


اللولو ...


طبعا مب طبيعي 100%100 بس لولو حقيقي .... مب بلاستيكي ...


وسعره وااايد حلو .... خذينا منه هدايا .... وعندها بعد اطقم لولو وايد حلوه وناعمه ... بس لاتنسون تكاسرون


انطباعي عن هذا السوق ....


السوق حلو ... مكيف .... يستحق الزياره ....


ما تشبع منه من اول مرة ....


بس عندي ملاحظه .... حق الاماراتيين .... اغلب بضاعته موجوده فالامارات وباسعار متقاربه وايد ... ما يفرق عن اسعار


الامارات واغلبها في دراجون ومحلات الدرهم والدرهمين ....


الطوابق العليا واااايد غاليه اغلى عن هوم سنتر بثلاث مرات ...


لا تستعيلون في الشراء بسرعه ... لان الاسعار تختلف من محل للثاني ... ومن طابق لاخر ...




سوق المكياج وادوات التجميل ....



هو عبارة عن 3 اسواق تقريبا عدال بعض .... بس اغلبها بالجمله .... يبيعون كل انواع المكياج وادوات المكياج .. وغراش


العطور ... وبعد شيء الحريم يحبونه كريمات الكولاجين مثل الحبوب ...ومكتوب عليها بالعربي ....




سوق الاحذيه الراقيه 



عباره عن محلات ... تبيع الاحذيه بس كلها بالجمله ... وطلبيه بعد ...



وكل المحلات فيها عينات من الاحذيه لزوم الطلبيه......ولا محل يبيع بالمفرق ...




سوق الاواني المنزليه .... وتجهيزات الفنادق .






هذا السوق واااايد كبير ...يبيع كل اللي يخص المطاعم والفنادق طبعا قسم المطابخ ...من اطقم صحون ... ادوات البوفيه ... ووو


ترولي الحفلات ...افران ..تجهيزات الكافتريات والكوفي شوب .. 


في هذا السوق ممكن يصنعون لك اي منتج تختاره ...


ويوم كنا نتمشى هناك تعرفت على حريم ليبيات سلمت عليهن سألتهن عن نوع من اواني التقديم الفاخره


اذا كانوا شافوها خلال تسوقهم فالسوق ... قالولي ممكن تصنعينها ... احنا مصنعين سخانات بموصفات احنا محددينها ...


طلعوا تاجرات ... هههه( ما كانوا يدرون اني ابا اشتريها حق بيتنا مب حق التجاره ) .




سوق الملابس الداخليه النسائيه 



هذا السوق مقابل فندق شندادي بالضبط ... بضاعته عاديه ... بس فيه ... 3 محلات يبيعون اشياء راقيه ...


اول ما تدخل من البوابه الرئيسيه على ايدك اليسار تقريبا 3محلات ... اما من الطابق الثاني وطالع عباره عن محلات جمله


وفي نفس العمارة من الخارج ...محلات تبيع ملابس وفمصان نوم وتي شرتات ...


وهاي الكروت


هذه الصورة تم تصغيرها . إضغط على هذا الشريط لرؤية الصورة بحجمها الطبيعي . أبعاد الصورة الأصلية 800x600 .









وفي بعد سوق للملابس الداخليه.... على يسار فندق شندادي ....ما اقولكم موقعه حلو ...


( بخليكم تحبون فندق شندادي عضبٍ عنكم ....ههههه)...


تعبر الشارع اللي على يسار الفندق وتمشي شوي بتحصل عمارة الدورين الاوليين فيها محلات للملابس الداخليه ....


وهاي العمارة فيها بوابتين البوابه الثانيه البعيده عن فندق شندادي اول ما تدخلها ...


بتحصل على ايدك اليمين محل يبيع بجامات قطنيه راقيه ..


واللي يبا قمصان نوم راقيه مثل نعومي وفمنا ...بيحصلها في سوق الاندر جراوند فالدور الثاني تحت الارض فيه تقريبا 4

محلات تبيع اشياء حلوه وراقيه ...




سوق الموبيلات نان فان تاشا ...


هذا السوق يبيعون فيه كل شيء يخص الموبيلات وكل محل متخصص في شيء محدد ...


يعني محل متخصص فالبطاريات ... ومحل فالوصلات ومحل للازرار ....وهكذا ....











ومقابلنه سوق اسيا هذا يديد ... ويقولون انه اغلى ...










بس احنا عيبنا هذا السوق ... لانه ارتب وارقى


يبيعون الموبيلات والكا ميرات ...اللاسلكي ....ووو



شوفوا الصور ...





















وعدال هذا المحل يبيعون ....كل الادوات البوليسيه ....وفي شيء لاتخبرون حد ....


يبيعون الصاعق الكهربائي .... والكاميرات السريه اللي تكون فالقلم ....


بس بقولكم شيء مهم .... مطارات الامارات واغلب المطارات تمنع دخول مثل هذي الاشياء واللي يحصلون عنده هالاشياء ...


بيستلمونه الامن اللي فالمطار .... وانتوا تعرفون شو بيصيرله .... بدون ما اقولكم .....هههه


الله يكفينا الشر ...


وقدام هذا المركز في بياعين متجولين ... يبيعون الذرة والفواكه ....والمكسرات ... بس بنكه خاصه ...





اكثر مرتادين هذا السوق التجار الهنود ...





هاي بعض عناوين المطاعم 



هذه الصورة تم تصغيرها . إضغط على هذا الشريط لرؤية الصورة بحجمها الطبيعي . أبعاد الصورة الأصلية 710x417 .











وهاي صورتها من مجله حصلناها في مركز المساج يمكن تفيدكم


هذه الصورة تم تصغيرها . إضغط على هذا الشريط لرؤية الصورة بحجمها الطبيعي . أبعاد الصورة الأصلية 800x600 .




هذه الصورة تم تصغيرها . إضغط على هذا الشريط لرؤية الصورة بحجمها الطبيعي . أبعاد الصورة الأصلية 800x600 .