سوق الشنط في كوانزو

المصدر : http://travel.maktoob.com/vb/travel267150-16/

:8888: سوق الشنط :8888:

وصلنا سوق الشنط وظلينا فيه لين سكر الساعه 6 ، وماكفانا الوقت من كثر

مافيه اشياء جميله ورخيصه ، العام لما سرته ماعطيته حقه والسنه لما سرته

مره ماكفاني الوقت ورجعتله مرتين عقب هاي الزياره .

صورة اسم السوق

اذا ماشفتوا هالاسد عدال مدخل السوق ، فأكيد انتوا غلطانين في السوق :109:

فظيـــــــــــــع هذا السوق فظيـــــــــــــــع من الاشياء اللي فيه:24:

شو شنط ماركات مقلده ، وغير ماركات .. تجنن

ثياب ماركات مقلده لكل الاعمار وللجنسين

مثل لبس الرياييل رووووعه شو بناطلين وتي شيرتات وكلها ماركات

(( برادا + جوتشي + فيرساتشي + فندي + بوس ...الخ ))

الي عجبني مش بس ماركات انما جوده في القماش والتفصيل ، الصراحه

غرقته ولدي من اللبس وبوعيسى في البدايه ماطاع واقنعته يشتري حق

سفرات أوروبا ، وعقب أقتنع ، وهذا غير الجاكيتات الجلد والشموا الرجالي

وكلها ماركات وجوووووده ، واسعارهم يبلااااااش مثلا..

التي شيرتات مابين 35 و45 درهم

والبناطلين مابين 50 و60 درهم:8888:

بس اذ حد شاف ريلي في اوروبا ترا اللي لابسنه كله ماركات اصليه بس ممن الصين :109:

عناوين :8888:

الحين بعطيكم أرقام المحلات اللي تبيع الثياب الرجاليه الماركات ، ومن تسيرون

سوق الشنط اسألوا عن ارقام المحلات وبيدلونكم ع مكانهم ..

محل التي شيرتات ، والبناطلين

عنوانه في سوق الشنط حسب بطاقة البزنس كارت


Add:2C-058 2/F

Mobile : 15918551028

13538773731



صور من بضاعته :115:

عنوان محل الجاكيتات الجلد الشاموا في سوق الشنط

واسعارهم تتراوح مابين 125 و150 درهم ، من هاي الماركات

ارماني ، بوس ، برادا .... الخ

Add:F/2C044

Mobile: 13688891279


Tel:02086268770

لبس الاطفال..

ماشي تشكيله كبيره ، والموجود اغلبه بربري بس جوده.



الحريم والبنوتات ..

بتحصلون التي شيرتات والجاكيتات ومافي تشكيله وايده بس

الاشياء الموجوده حلوه وماركات.


عندهم ساعات وبياخذوكم لماكاتب مغلقه في الادوار العلويه ، وما انصحكم فيها.

وعندهم في هذا السوق اكسسسوارات ، ومحافظ رجاليه ونسائيه طبعا ماركات

مقلده وأحزمه رجاليه ، أحذيه ...الخ


بالنسبه للكسسوارارات لاتشترون من سوق الشنط مهما عجبكم ، لأني بوديكم

لسوق الاكسسوارات اللي افظع منه واللي بتتخبلون من تدخلونه وماتطلعون منه :115:.

وعندهم عزكم الله دلاغات ( جوارب ) جوده وماركات يابلاااااااااااااش يمكن الواحد ب5 دراهم

نسيت والله بس رخاص وايد واشتريت وااااايد منهم لي ولعيالي ، ودايما كاسروهم .




صور للدلاغات .

الشنط...:115:



بخبركم عن بعض الشنط للماركات المقلده ...

انا طحت على وحده تبيع شنط برادا تقليد درجه اولى ، الصراحه جوووووده في

الصنع وماتفرقونها عن الاصلي ، وهاي صارلي وياها موقف:101:

وانا داخل في المحل ويالسه اسجل طلباتي الا فجأه ، يتهم كبسة من الشرطه

ويسكرون المحل وانا داخل وقفلوه بالقفل :110:، وسكروا عليه الستاره من برع

وتميت محبوسه داخل يمكن نص ساعه :110:، وأشوى انه اللي تبيع حرمه ، لأنه

ريلي كان برع المحل.

عاد انا كيفت على راحتي يلست اتنقى واختار :115: ولاحظت انه بعض الشنط

المعروضه واللي آخر مانزل من برادا ، ماكان عليهم شعار برادا ولما سألتها قالت

انا بييبلج ياهم بالشعار نفس الاصليه ، بس هاذيل بدون شعار عشان بيخالفونا

سعر الشنط اللي خذيتهم ب190 درهم و145 درهم والمحفظه ب 85 درهم .

وعندها غير برادا ، جوتشي ، فيندي ، ولوي فيتون



عنوان راعيت شنط برادا

2A067

Mobile : 13711754460

Tel : 0086-20-86268477


02086267521



وحصلت محل يبيع شنط جوده في الصنع انا فكرت انهم جوتشي ولكن كلها مثل

جوتشي ولكن كان اسم ثاني على الشنطه وهو اسم CHEVOT

وبعد نفس الاسم عندهم شنط تشبه البربري وتقريبا تشبه الاصل لأنه انا عندي

وحده منها أصليه ولكن الاسم اللي عليها هو.CHEVOT

للأسف ماعندي البزنس كارت مالهم ، بس اذكر انهم في الدور الأول بعد ماتطلعون

من السلم المتحرك ، مقابلكم وبعد ممتأكده ، وممكن تاخذون اسم الماركه وهي CHEVOT

وأسألوا عن المحل اللي عنده هاي البضاعه .

حصلت بعد نوعيه ممتازه من شنط جوتشي وعليها اسم جوتشي ، لقيتها هنيه

ماتفرق عن الاصليه ، وسعرها ب 100 درهم والمحفظه ب 90 او 80 درهم

بس من محل ثاني

عنوانهم في سوق الشنط ...

Add:1A196

Mobile: 15989002108




وبعد حصلت ماركة سلفادور فيرجانو بعد شنط روعه في الصنع

وعنوانهم ...

Add:1A193

Tel : 13414107798

Tel : 13631436988



وعندهم شنط جلد جووووووده لرجال الاعمال ، مثل ماركة بالي ودانهيل ولما تشوفونها

تحسون كأنها أصليه ، ونفس المحل عنده محافظ وغيره كله منتجات رجاليه


وعنوانهم ...

A118

Mobile : 13924138138




وعندهم شنط لماركة لوي فيتون ودتني عندهم حليمه

(( على فكره حليمه ماتعرف وايد المحلات اللي تبيع تقليد درجه أولى والغالبيه انا

أكتشفتهم بروحي وعموما انتوا لماتمسكون الشنطه وتتفحصونها بايديكم بروحكم

بتميزون الجوده من الغير ))

نرجع للمحل اللي ودتني عندهم حليمه واللي عندهم تقليد درجه أولى ، وخذيت من

عندهم شنطه لاب توب لبناتي الوحده ب150 درهم ، واشتريت شنطة ظهر لبناتي

نسيت السعر يمكن بعد ب150 ، بس ماخذيت للأسف شنطة يد ، ما أدري ليش

ترددت ، وعقب اشتريت أصليه وايد غاليه ، وقاللي ريلي مب احسلج لو خذتي

من الصين ، بس تدرون الصراحه النفسيه غير اذا نشل أصليه واذا نشل تقليد

ولو تقليد درجه أولى .




صارلي موقف لما رجعت وهقني :105:

نحن رجعنا قبل العيد بيوم واحد ، ويوم العيد شليت شنطتي وهي ماركه أصليه

وين ما اسير اسلم ع الاهل ، يقولولي هاي من الصين ، وانا احلفلهم انها اصليه:110:

وصرت كل ما اشيل شنطه يتحسبونها من الصين :110:

وانا ما عندي شغله الا اقول هاي اصليه وهاي من الصين :110:

انا وااااايد اشتريت من هذا السوق ، أذكر وانا بطلع من السوق لقت مثل كشك

من داخل السنتر عند المخرج الجانبي ، هذا الكشك شو أشياء اشتريتها من عندهم

مثلا مقالم ، مرايات ، ابواك كلها ماركات مقلده بس روعه وحلوه ورخيـــــــــــــــــصه

ب 5 دراهم وب10 دراهم ، واشياء غير

:115:

وعقب ماسكر السوق سرنا سوق الشاي كنا نبا نشتري شاي أخضر ، وحصلنا نوعيه

ممتازه وسعر 5 كيلو ب250 درهم ، للأسف ماعندي أسم سوق الشاي:105:

صورة الشاي اللي اشتريناه

وطلبنا منها توزع الكميه في أكياس صغيره ، وهي تحطهم في آله تفرغ منه الهوا

وتسكرهم ، وقالت النا انه لو حطيناه في الفريزر بيظل شهور كأنه فرش ولكن اذا فتحناه

وتركناه برع فيادوب شهر ويفقد خصائصه

فتركت الشاي عند داوود يححطه عندهم في الفريزر وآخر يوم ييبه النا .