المصدر : http://travel.maktoob.com/vb/travel428929-4/
بسم الله نبدأ
خذينا تاكسي لين الحديقة واتفقنا وياه على 85 يوان بس راع التاكسي ما ضرب الجهاز وتم طول الوقت يصاوي ... الظاهر ان راع التاكسي يشتغل لحسابه ... مب سهل
كانت المسافة تقريبا 45 دقيقة ... وكان الطريق وااايد حلو وممتع وفي اسواق وسناتر وااايدة شكلها حلو .. بس للاسف الله ما ذهني.. انا نرجع مرة ثانية نشوف هاي الاسواق ....
حديقة حيوان سفاري :
اكبر حديقة حيوانات في أسيا
هذا المدخل
وبسبب الحرررر الشديد اشتريت هاذي المروحة اليدوية ( المهفه) 5 يوان والحلو ان عليها خريطة الحديقة
سامحوني من السرعة ما انتبهة ان الصورة مب عدله
هنا الخريطة اوضح
وبتمشون مسافة 3 دقايق بتشوفون هاذي اللوحة ...يعني رحلة بالقطار مجانا
في انتظار الدووور ..
القطار ... مكشوف ....ما بينك وبين الحيوانات عزك الله الا امتار
ممكن دخول السيارات الخاصه وسيارات الاجره برسوم اضافيه
الحديقة تنقسم إلى قسمين قسم للتجول بين الحيوانات وانته في السيارة الخاصة أو الاجرة
او انك تركب القطار المشمول في التذكرة ....واللي يشمل جميع العروض سعر التذكرة 280 يوان
الصرااااحة الحديقة حلوة وتستحق الزيارة بس يوم يكون الجو معتدل
وقسم للتمشي ومشاهدة العروض والتصوير مع الحيوانات
وفي كل مكان اماكن لتأجير عربات الاطفال والكراسي المتحركة
هذا المنظر ذكري بأوربا الجمييييله... الله يعودنا لها مرة ثانية
وهذا مكان الناس تغسل اديها وويها منه .... في كل مكان موجود ....
من الحرررر قمنا كل ما نشوفة نغسل وييوهنا
والوالد فديته ....الله يحفظه ويعافيه
هنا .... ما صدقوا الصينيين كلهم يسو يصورون الوالد
بس هم يخافون يتصورون مع الثعبان .... بالرغم انهم ملزقين فهه
وبالرغم انهم ياكلونه بس يخافون منه ... سبحان الله
قسم حضانه الحيوانات
مركز بيع الاشياء التذكارية
هنه قسم المطاعم
بس اكلهم مب حلو اعملو حسابكم انكم تاخذون وياكم بسكوت ومكسرات وفواكة
وهي بعيده عن المدينه حوالي 30-45 دقيقة
بالتاكسي 85 يوان
(كنت مصورة واااايد صور بس ضاعن عني )
الحديقة كبيرة وفيها عروض وااايدة وفي اماكن متعددة لوحات عليها اوقات العروض
والعاملين في الحديقة يعرفون انجليزي وخدومين
ويوجد الكثير من سيارات الأجرة موجودة عند المخرج ويعرضون عليك التوصيل .... يعني لا تحاتون شيئ
ليست هناك تعليقات:
إرسال تعليق