المصدر : http://travel.maktoob.com/vb/travel428929-23/
اليوم الله يسلمكم... بنتكلم عن الفنادق اللي زرناها .. او فكرنا ان نحجز فيها
وأحب اذكركم انه عشان تزورون الصين يا حلوين تحتاجون فيزا... وتستخرجونها من السفارة الصينية
أو القنصلية الصينية في بلدكم ...
وهذا الرابط لاستمارة طلب الفيزا ...
تفضلوا...
استمارة طلب الفيزا للصين مترجمة
ثاني شيئ....
في ورقة بتعبوناها في الطيارة واللي هي استمارة الوصول أو استمارة المغادرة من الصين وهذي الاستمارات مترجمة ...
لأخونا أ/خالد يزاه الله خييييييييير ...
والحين بنتكلم عن الفنادق ....
بسم الله نبدأ
بس اول شيئ بقولكم قصتنا ويا حجوزات الفنادق ...
الله يسلمكم ... قبل السفر بكم شهر ...بصراحة ... كنت اقرا تقارير الاخوان في كل المنتديات ...
واشوف رايهم في الفنادق وادخل على موقع الفندق
واشوف الصور المعروضة واقرا آراء الناس عنه ... واشكثر يبعد عن السوق ..
واهلي طلبوا انا نحجز في منتجع في كوانزو ...
وكوانزو فيها منتجعات واااايد حلوة بس بعيدة وااايد عن الاسواق ..
وطبعا لازم نحطي في بالنا ان الوالد بيكون تعبان من المشي في السوق ...
يعني يبغي يوصل الفندق بسرعة عشان يرتاح ... مب ناحذ وقت طويل في التاكسي لين ما نوصل الفندق ....
فكنسلنا منتجعات كوانزو ...
وخاصة ان الكل كان يقول ان شوارعها الظهرو العصر تكون زحمة ...
فندق ذا جارن
موقع الفندق
The Garden Hotel Guangzhou China - Best discount hotel rates
اربيعتي سكنت في فندق الجاردن من قبل وتمدحه واااايد .. وبالفعل فندق الجاردن واااايد حلو وفخم ,,,
والحديقة اللي فيه روووعة...
ومطعم السلطان مقابلنه في الشارع الثاني بس تصعد جسر المشاه .... يعني دري ومتعب للوالد ...
و لانه بعيد عن السوق .... فما حجزت فيه
وبعد لانه هاك الفترة الحديقة مسكرينها بسبب الصيانه ...
فندق كانتون
Hotel Canton (Guangzhou, China) - Hotel Reviews - TripAdvisor
في شارع بيجين لو ... الفندق واايد من الناس مدحته .. والموقع ممتاز في السوق ... وفكرت احجز فيه كم من مرة ...
بس الصراحه من صور الفندق في النت ما عيبني لون الشرشف ... ما دخل خاطري عشان جييه كنسلته من بالي ...
رغم ان موقعه ممتاز ... كموقع ونظافه
((وأخونا الكابيتانو يمدحه وااايد ))
وانا تعمدت اني اسأله عن الفندق عشان موضوع اليوم ... ذكييييه
هههههوهذا رايه
والفندق قريب جدا من شارع المطاعم سبأ والمائدة والبسبور وغيرهم , يعني تقريبا 10 دقايق مشي
والفندق بينه وبين سوق شارع بكين مجرد امتار
الفندق كان زحمة كثير كثير وتصير فيه مؤتمرات وكذا, بس نحن كنا نطلع الصبح وما نرجع الا بالليل , يعني ما تهمنا الزحمة
وطبعا النت كان جدا ممتاز والخدمة طبعا روعة
يعني بصراحة فندق 100%
والعرب قلييييييل جدا فيه
بس حلاته انه جنب شارع بكين
نحوط يوميا في شارع بكين لييين 10 - 11
ونسيت شئ حلووو كثير بالفندق ,,, تحت الفندق مباشرة مسجد, وصلينا فيه الجمعة وما لقينا
مكاااااااااااااااااااااااااااااااااااااااااااااااا ااااااااااااااان من الزحمة اللي فيه
كانت جمعة مميزة هاك اليوم
فندق شنجريلا
موقع الفندق
Booking.com: Shangri-La Hotel, Guangzhou, Guangzhou , China - 54 Guest reviews. Book your hotel now!
فندق فخم وراااائع ... والحوض والحديقة يجننون .... وكل شيئ فيه حلو ....
بس يعيبه انه واايد بعيد عن الاسواق
فندق Dong Fang
موقع الفندق
Booking.com: Dong Fang Hotel Guangzhou, Guangzhou (Guangdong), China - 27 Guest reviews. Book your hotel now!
بطاقة الفندق
هذه الصورة تم تصغيرها . إضغط على هذا الشريط لرؤية الصورة بحجمها الطبيعي . أبعاد الصورة الأصلية 656x416 .
مثل ما خبريتكم في أول صفحة فندق رائع ... وراقي وكبييييييير
حجزت هالفندق لانه اقرب فندق فخم للاسواق .. .... هو قريب من سوق الملابس مسافة 10 دقايق مشي ...
واللي شجعني اني احجز فيه جمال الفندق ....
بالفعل الفندق رااااااائع
وخاصة شو ... لو تذكرووووون ....
؟
؟
الحدييييييقة و الحوووووووض ....بصرااااحة هو اقرب لمنتجع
شوفو الصورة ....
بس الصورة ترا ما تصور الواقع الا واحد من عشرة من واقع جمااااال الحديقة والحوض ...
وانا كنت مصورة كل ركن في الحديقة ....
بس قدرالله وما شاء فعل .... ما لكم نصيب تشوفونها ...
الصراحة الحديقة خيااااااال.... فيها ممرات مائية ... يوم تشوفها تتمنى انها تكون في بيتك تتيلس فيها كل يوم ...
حتى ابويه عيبته الحديقة ( الله يعوضنا بالجنه ... قولوا آمييين) و كل يوم كنت لاااازم اتمشى في الحديقة ...
حلوووة وااايد... عيبتني ...
بس الحرررر يشردك منها ...
وإلا الحوووض وما ادراك ما الحووووض ... تعذيييييييب مب حوووض
تدري...
عشان توصل من الاسنسير لين حجرتك غالبا لازم تشوف الحوض لان الممر اللي جدام الحجر يكون مطل على الحوض ....
مبنى الفندق على شكل مستطيل وفي النص الحديقة والحوض ....
يا الله .. يا الحوض رووووعه يقولك تعاااال اسبح فيني ....
كبييييييييير..... وغزييييييييير..... الصراحة رهيييييييييييب كل ما اطالعه اشتهي اسبح فيه .....
بسسسسسس طبعا ما اقدر حرااااااام ...
(هنيالكم يا الرياييل كل شيئ ترومون تسووونه ... واحنا الحريم لنا الله
... الله يعوضنا خييييرهههه)وكنت اكتفي اني ايلس عدال الحوض يوم كان الوالد يسبح طبعا في الليل
...لان الصبح كان خلط حريم ورياييل ويهال ....
بس من تعدي الساعة 8 يتم الحوض فاضي مافي ناس الا كم نفر بس من كبر الحوض والشيير والديكورات
محد يشوف الثاني ... هذا في الليل ...
والحوض كبير وفيه حوضين للجاكوزي ....واحد... يكون تدفق الماي من اسفل الحوض يعني لتدليك البطن او الظهر
والحوض الثاني من الجوانب ... آااااخر دلع
... ما اقولكم منتجع مب فندق .....والحوض العود فيه نافورة حلوووة .....
وعشان تسبح في الحوض ..... شيئ دري للاسفل في مكان عدال الحوض يوديك تحت الحوض تسجل رقم غرفتك
ويعطونك مفتاح لخزانه تحطي فيها اغراضك وبعد يعطونك فوطة وروب علشان تلبسه ...
وطول الوقت فيه شخصين يراقبون الحوض ... يعني منقذين ... أمااااااااان
وفي الفندق في نادي رياضي جم ... ويوجا .. ونت ... دخلته عشان اجرب الاجهزة ...
وقالي العامل: لازم تسوين اشترااك شهري ...
قتله : اذا بس يوم... بكم .... قالي : الساعة ... ماادري بالضبط نسيت ... بس جننه 180 يوان...
بس كانت الساعة 9.40 وهم بيسكرون الساعة 10 ... فما قدرت استخدم الاجهزة ...
بس تدرون ليش سرت النادي.... من الملل .... لان الله يسلمكم كنا نرد الفندق الساعة 5 العصر .. وما نطلع لين بالباجر
لان الوالد يكون تعبان من المشيء .. والفندق ما عداله حياة عشان نتمشى حذاله ...
ومن غير ان الوالد ما كان يأمن في البدايه ان يخلينا نطلع رواحنا ...
وخااااااصة ان الوالدة الله يعطيها الصحة والعافية و يطول في عمرها ...
قبل ما نسافر كانت موصتنه وااايد علينا ( مادري ليش ...جننه أول مرة انسافر )....
فهو ما قصر أول الايام سوالنا حراااسة مشددة ههههه
بس تبون الصدق ....
لو سافرت مرة ثانية كوانزو في الشتاء بسكن في هذا الفندق لو حتى 3 ايام بس عشان الحديقة ...
وعشان اصورها مرة ثانيه هههه ... عشان اراويكم اشكثر حلوة
فندق تشاينا هوتيل الماريوت
موقعهم في النت
Booking.com: China Hotel, A Marriott Hotel, Guangzhou, China - 30 Guest reviews. Book your hotel now!
هذا الفندق واايد حلو وعلى طول على يمين فندق دونج فانج ... وكنت افكر احجز فيه ... الفندق حلو وراقي
وعداله مطعم الف ليله وليله ....بس المطعم صاحبة درزي _ ما اعرفه ... بس مثل ماقالوا الاخوان في المنتدى _
ومقابل الفندق على الشارع الثاني المسجد ...
بس ما حجزت فيه لانه ما فيه حديقة حلوة مثل فندق دونج فانج ...
يعني الحديقة والنظافة والفخامة وقربه من السوق هم اللي شجعوتني احجز في فندق دونج فانج
ومثل ما خبريتكم ...
ان احنا سرنا ويا سليمان اندور شقق فندقية ... وودانا عدة اماكن ،،،
بس انا بقولكم رايي ومحد يزعل ...وكل انسان له رايه الخاص
في البداية بغينا نصرف الدولارات ودانا عند الصراف سليمان.. مسلم ... عدال فندق بارك فيو
وهو صراف أميييين كل العرب يصرفون عنده ... وسعره وااايد حلو احسن عن الفنادق ....
ويوم يعطيك الفلوس يعلم على طرفهن بالقلم الاسود ...
علشان تتأكد ان فلوسه مب مزوره ...
ويبيع بطاقات التيلفون ... وبطاقات شحن التيلفون ... والبطاقات نوعين وحدة محلية يعني بس حق الصين ...
حتى ماتقدر تستخدمها في هونج كونج ....
بس تستقبل المكالمات الدولية ...
والنوع الثاني ... الدولية ...
ويوم تبون تتصلون في بلادكم يعني مكالمات دولية ... وعشان توفرون اكثر ... لازم اول شيئ تدخلون هالرقم (17909)
وبعدين فتح خط بلادكم وعقب الرقم اللي تبون تتصلون به ....
والله المكالمة تكون وااااايد رخيصة برخص التراب .... عقبال بلادنا ما يطبقون هذا النظام ...
تدرون ان حتى مكالماتهم المحلية رخيصة وااايد .. مرة كنت اكلم اربيعتي في الصين.. كانت ياسه في الماريوت ... كلميتها
واايد تقريبا ساعة ونص ... ما كلفني 20 يوان
اما اذا تصلت على طول على رقم بلدك ... فاقولك مبروك بيحلص رصيدك هاك الساعه
... ههههوهذا كرت الصراف
فندق بارك فيو
بطاقة الفندق
هذه الصورة تم تصغيرها . إضغط على هذا الشريط لرؤية الصورة بحجمها الطبيعي . أبعاد الصورة الأصلية 640x416 .
وبعدين سرنا ويا سليمان فندق بارك فيو .... الربع في المنتدى يمدحونه .... بس الفندق كان فل ....
اغلبه كويتين ( بالرغم انه ما كان عايبني من قبل لان صورة في النت يعني ..)
بس قلنا برايه المهم شقة نظيفة الواحد يطبخ فيها ...
والفندق ما شاء الله كله عرب ...
( بس ريحة استقبال الفندق ما عيبتنا كانت ريحته غبار... يمكن هاك اليوم بس.. ما ادري ... احنا وااايد تهمنا ريحة الفندق )
هيه ...بين الفندق والصراف سليمان بقاله تبيع خبرلبناني
شقق نانسي
سرنا انشوف شقق نانسي في اخوان مدحوها ... هي عبارة عن عمارة مب يديدة ... ومب على الشارع الرئيسي ..
يعني ما تنفعنا ...
والموقف البايخ اللي صار ان صاحبة العمارة كانت تفتح الشقق وتراووينا اياهن والناس كانوا ساكنين فيها بس هم هاك
الساعة ما كانوا متواجدين....
بس الاغراض موجودة ( ذكرتنا براعية شقة زلمسي ... جننه على كيفهم ) حتى احنا مارضينا ندخل...
قالتلنا: هاذيلا عقب كم ساعة بيطلعون ...
الصراحة الموقع ما عيبنا ولا الشقق وفي الممر كان السقف ينقط ماي .. جزيناها
ههههوعقب ودانا فندق الهوتيان ..
الفندق زوين ... فيه مكتب شحن .. ومطعم الباشا .... وعلى يسار الفندق بقالة السلام تبيع كل الاكل الحلال ..
المعلبات – الخبزاللبناني – الكاكاوات – الشبس – الاجبان –اللبنه –المعكرونة ... وكل الي تشتهونه ...
واحسن عن بقاله العرب ... اللي ما فيها غير اشياء محدودة
دخلنا استقبال الفندق ... طلب سليمان من موظفة الاستقبال انا نشوف الغرف ...
بس احنا رفضنا ما عيبنا شكل الفندق ولا ريحة الاستقبال ..
شوي شكله جديم ... وطلعنا ... يعني كنسل
وهني انا عصبت على سليمان ... قتله : سليمان لاتيلس تودينا اماكن تعابه و رخيصة ... احنا نبا مكان زين ونظيف
وقريب من الاسواق .. وما اتهمنا لفلوس ... ((( الصراحة الواحد مسافر يستانس ... مب يضيق على عمره )))
قال : طيب طيب حوديكو فندق بايون كل التجار المصريين بيسكنوا فيه... فندق حلو ونظيف... وانا بيعملولي خصم خاص هناك ...
وسرنا فندق بايون ...
فندق بايون
موقع الفندق
Baiyun Hotel Guangzhou China - Best discount hotel rates
بطاقة الفندق
هذه الصورة تم تصغيرها . إضغط على هذا الشريط لرؤية الصورة بحجمها الطبيعي . أبعاد الصورة الأصلية 720x400 .
الفندق حلو ونظيف والغرف حجمها متوسط .. وعداله مطعم السلطان بالضبط ... بس ما سكنا فيه ...
لانه جدام الفندق شيء بار ... ولان مدخل الفندق كان بعيد عن الشارع الرئيسي ...
ويالله بالموت لين ما تحصل تاكسي .. فكنسلناه ...
بالرغم ان احنا حجزنا حجز مبدئي فيه ... بس ما دفعنا شيء بس خذينا رقم الحجز ...
هيه تذكرت وعدال فندق بايو ن
سنترين .... سنتر للماركات العالمية الاصلية بربري وجوشي وال في ...
(( بس الصراحة الواحد ما يأمن يشتري من عندهم ... كيف يشتري من بلاد التقليد ... وتقليدهم احترافي ... )
وفي هذا السنتر نافورة في الدور الارضي تصعد لين الدور الثاني ... بس مافي ناس وااايد... ويفتح لين الساعة 10 مساءا
والسنتر الثاني ...
هذا السنتر من عدة طوابق ... ويبيعون فيه الثياب والمكياج والعطور و ادوات كهربائية ورياضية ومطبخ ... بس وااايد غالي ...
وهاي المعلومة اللي بذكرها ...ما قريتها من قبل ... في اي تقرير
وفي الدور الرابع شيئ سوبرماركت يبيعون كل الاشياء المستوردة اللي موجودة في بلادنا ...
بس طبعا الاسعار اغلى بوااايد ناار ... اشترينا من عندهم كبر ...
وشيئ قسم التداوي بالاعشاب الصينية والمنتجات الطبيعيية ....
وبعد هذا السوق يفتح لين الساعة 10 فالليل
وعقب تذكرت فندق شندادي... واحد من الاخوان مدحة وقال انك من تطلع من الفندق بتكون في سوق الملابس ...
قلت حق سليمان ودنا فندق شندادي .... ويوم وصلنا ... قتله: هذا مب فندق شندادي هذا ..مكتوب عليه فندق نيو ميلاند
قالي: هو نفسه ... بس هو مشهور بالاسم ده
فندق نيو مينلاند ..... الشهير بشندادي نيو مينلاند
واول شيء عيبني في الفندق تدروون شو ....
قولوا شو...
/
/
/
ريحة الاستقبال .... كلها ريحة عطر .... تدرون من شو ... من احلى شيئ في الوجود
اصبرو ... بخبركم
أول ما تدخلون استقبال الفندق في طاوله في النص وعليها باقة ورد كبييرة ... واغلب الزهور من وزهور الكازابلانكا الجميييله ....
اللي تخلي ريحة المدخل كلها عطر... هذا اول شيئ حلو
وبعدين عيبتنا نظافه الارضية اللي تلمع من النظافة ...
وطلبنا نشوف الحجر .. الحجر حجمها متوسط ويعني ... قلنالهم ::نبغي جناح ... بس ما كان متوفر ...
بس الوالد عيبه المكان ... قال الشارع حيوي و الناس طول الوقت سايرة ورادة والتكاسي ما تونني ..
وعداله مركز شرطة ومطعم وووو ... وكل اللي خبريتكم اياه قبل ..... فقررنا انا نسكن فيه ...
والحمد الله ان استانسنا بالرغم ان الفندق مب خمس نجوم ومافي حديقة ولا حوض ...
بس شو نبا بالحديقة.... حررر كوانزو يقول انا
... هههههوشيئ يديد عدال الفندق على يساره محل صغير للزهور اذا تحبون تخلون ريحة غرفتكم حلوة كل كم من يوم اشترولكم ..
خاصة يوم تردون تعبانين من السوق .... من تدخلون الغرفة تستقبلكم الريحة الحلوة ...
دلعوا عماركم ... الدنيا الا يومين
... هههههوالحين بخبركم عن فندق انا والوالد زرناه
فندق بي شنج
وهذي بطاقته
هذه الصورة تم تصغيرها . إضغط على هذا الشريط لرؤية الصورة بحجمها الطبيعي . أبعاد الصورة الأصلية 656x416 .
الله يسلمكم ... في يوم من الايام كنا طالعين من مركز المساج واحنا بندخل الاسنسير كان فيه ريال عربي ..
والوالد رحب فيه ( الوالد طبيعته.. واااايد مرحباني ... ) سلمنا عليه .. ونزلنا...
واحنا نمشي شفنا بياعة متجوله تبيع فضيات وهذا الريال واقف يطالع البضاعة ...
الوالد قالي خلينا انشوف شو تبيع ...
وتم الريال يسولف ويانا وكان الاخ اردني خمسيني العمر ..
قال : انتو جايين تجارة ....( التجار ماعندهم غير هالسؤال...ههههه)
قلناله :سياحة
قال: وين ساكنين
قلناله: فندق شندادي
قال: وشو جايين تعملو هون
قلناله: يايين مركز المساج علشان الوالد
قال: انا صارلي سنين بجي هون ... تقريبا كل شهر بجي اسبوع انا تاجر ملابس ... وما بعرف انه في مركز مساج ...
بدي اروح إلوه .... اعمل مساج لرجلييه ...انا ساكن هون في الفندق اللي جنبنا ...
هون فندق بي شنج كتير كويس ونظيف واسعارة حلوة ... انا المكتب اللي بتعامل معه بيعملي خصم ...
اذا بدكون تعالوا اسكنوا هون ارخص وبدي اعمل الكون خصم ...
وعزمنا انشوف الفندق ... وسرنا وياه وراوانا الغرفة الصراحة الفندق مرتب ونظيف والغرف كبييرة ووسيعة وسعرة وااايد حلو
بس اذا تحجز من النت .... واحسن طابقين السادس والرابع لانهم مجددينهم ...هو اللي خبرنا ....
وشفنا وياه الجناح .... هذا روحة عن شقة حجرتين كبار وصاله تكفي حق 6 اشخاص
يزاه الله خير ضيفنا معمول بالفستق ... كرييييم
... وعزمنا على العشاء بس احنا ما رضينا ....وقالنا: انا بعد بكره مسافر وبكرة راح اروح مع المترجمة سوق بيجين لو اذا بدكون تعالوا معي ... وعطانا رقم تيلفونه
قلناله : مشكور ما تقصر ... وريدينا الفندق ...
وخبرنا ان مقابل الفندق مطعم الباشا بس تعبر جسر المشاة وتمشي يمين توصل له ...
(شكرا عمو ابو حسن .... والسموحة منك لان طريناك بس بالخير ....
)طولت عليكم
هذا كل اللي اتذكره عن الفنادق
ليست هناك تعليقات:
إرسال تعليق